მაგნიუმ B6 50ტაბლეტი ამვილაბი - Amvilab

მაგნიუმ B6 50ტაბლეტი ამვილაბი - Amvilab

მაგნიუმი + ვიტამინი B6

მაგნიუმი წარმოადგენს უჯრედების ნორმალური ფუნქციონირებისათვის საჭირო სასიცოცხლოდ აუცილებელ ელემენტს, რომელიც შედის ორგანიზმის ყველა ქსოვილში და მონაწილეობს ნივთიერებათა ცვლის პროცესებში. მაგნიუმი მნიშვნელოვან ფიზიოლოგიურ როლს ასრულებს კუნთებში იონური ბალანსის შესანარჩუნებლად. მაგნიუმი ააქტიურებს მეტაბოლურ პროცესებს ორგანიზმში, მონაწილეობას იღებს ენერგიის წარმოქმნაში უჯრედულ დონეზე, ამცირებს ნერვ-კუნთოვან გადაცემას, გლუვი და განივზოლიანი ბოჭკოების აგზნებადობას, დადებითად მოქმედებს გულ-სისხლძრღვთა სისტემის ფუნქციონირებაზე, იცავს სისხლძარღვების კედელს, ხელს უშლის ათეროსკლეროზის ჩამოყალიბებას, ახდენს გულის რითმის მუშაობის სტაბილიზაციას. მაგნიუმი მონაწილეობს ცილების, ცხიმების და ნახშირწყლების სინთეზსა და მეტაბოლიზმში, მონაწილეობს კალციუმის ცვლაში, აძლიერებს კალციუმის აბსორბციას ძვლებში და აფერხებს კალციუმის ჩალაგებას სისხლძარღვებში, ხელს უწყობს ძვლის მინერალური სიმკვრივის შენარჩუნებას. მაგნიუმს გააჩნია დამამშვიდებელი და სტრესის საწინააღმდეგო მოქმედება, განაპირობებს კუნთების სათანადო მოდუნებას (ხსნის კუნთოვან სპაზმს), უზრუნველყოფს მშვიდ, ჯანმრთელ ძილს და ინსომნიური (უძილობის) მდგომარეობის შემსუბუქებას.

ვიტამინი B6 (პირიდოქსინი) აძლიერებს მაგნიუმის შეწოვის პროცესს კუჭ-ნაწლავის ტრაქტში და აუმჯობესებს უჯრედებში მის შეღწევას, მონაწილეობს მრავალ მეტაბოლურ პროცესებში, მათ შორის ნერვული სისტემის მეტაბოლიზმის რეგულაციაში.

ჩვენებები:

ორგანიზმში მაგნიუმის უკმარისობით გამოწვეული დარღვევების პროფილაქტიკა და მკურნალობა, როგორიცაა:

• ძილის დარღვევა, მომატებული ნერვული აგზნებადობა, დეპრესია
• ფიზიკური და გონებრივი გადაძაბვით გამოწვეული მდგომარეობა
• ქრონიკული დაღლილობის სინდრომი
• კუნთების ტკივილი და სპაზმი
• პრემენსტრუალური სინდრომი, კლიმაქტერული სინდრომი
• არტერიული ჰიპერტენზია, გულის რითმის დარღვევები
• ნერვ-კუნთოვანი დარღვევები
• შაკიკი
• ასთენია
• თირკმელ-კენჭოვანი დაავადებები
• ორსულთა ტოქსიკოზი

შემადგენლობა:

მაგნიუმი (მაგნიუმის ლაქტატი) - 47 მგ, ვიტამინი B6 (პირიდოქსინის ჰიდროქლორიდი) - 5 მგ

დამხმარე ნივთიერებები:

კალციუმის კარბონატი, მიკროკრისტალური ცელულოზა, მცენარეული მაგნიუმის სტეარატი, მცენარეული სტეარინის მჟავა

მიღება და დოზირება:

1-2 ტაბლეტი 3-ჯერ დღეში ან ექიმის რეკომენდაციის მიხედვით. ორსულობისა და ლაქტაციის პერიოდში, 18 წლამდე ასაკის პირებში გამოიყენება ექიმის რეკომენდაციით

გამოშვების ფორმა: # 50 ტაბლეტი

მწარმოებელი: ამვილაბი - აშშ

Amvilab თანამედროვე ბაზარზე ერთ-ერთი წამყვანი ამერიკული ბრენდია, რომელიც საკვები დანამატების წარმოებაზეა ორიენტირებული. 30 წელზე მეტია, მისი სახელის ქვეშ მოიაზრება ხარისხი, ინოვაცია და სტანდარტების დაცვა.