დოპელჰერცი აქტივი - Doppelherz Aktiv მაგნეზია 500მგ 60 ტაბლეტი

დოპელჰერცი აქტივი მაგნიუმი ნაითი 

მშვიდი და ღრმა ძილისთვის!

დოპელჰერცი აქტივი მაგნიუმი ნაითი უზრუნველყოფს ნერვული სისტემის ნორმალურ ფუნქციონირებას, ამცირებს სტრესს, შფოთვას, გაღიზიანებას, აუმჯობესებს ძილის ხარისხს.

მაგნიუმი მნიშვნელოვან როლს ასრულებს ორგანიზმში მიმდინარე ენერგეტიკულ პროცესებში. მონაწილეობს ცილების, ცხიმების, ნახშირწყლების და ნუკლეინის მჟავების ცვლის პროცესში.  აუმჯობესებს ნერვული იმპულსების გადაცემას კუნთოვან ქსოვილში, ამცირებს გლუვი და განივზოლიანი ბოჭკოების აგზნებადობას, აქვს სედაციური ეფექტი და ზრდის ორგანიზმის მდგრადობას სტრესის მიმართ. ამშვიდებს, აწყნარებს ნერვულ სისტემას, დადებით მოქმედებს ფსიქო-ემოციურ მდგომარეობაზე, გავლენას ახდენს ძილის ხარისხზე.

ვიტამინი B1 - ორგანიზმის თითქმის ყველა უჯრედშია, გარდაქმნის ცხიმებს, ცილებს და ნახშირწყლებს ენერგიად, უზრუნველყოფს ნერვული სისტემის ნორმალურ ფუნქციონირებას, აუმჯობესებს შემეცნებით ფუნქციებს. 

ვიტამინი B6 - ხელს უწყობს ცენტრალური ნერვული სისტემის ჯანსაღ ფუნქციონირებას, აუმჯობესებს ნივთიერებათა ცვლას.

ვიტამინი D3 - აუცილებელია ნერვ-კუნთოვანი სისტემის ფუნქციონირებისთვის, მისი დეფიციტის დროს გაზრდილია კოგნიტური (დამახსოვრება, დასწავლა) და მენტალური დარღვევების (ფსიქიკური და ემოციური ფონი) რისკი (D3 ვიტამინი მონაწილეობს კატექოლამინების, ნეიროტრანსმიტერების - აცეტილქოლინის, დოფამინის, სეროტონინის სინთეზში). 

ნიაცინი - (ვიტამინი B3) მონაწილეობს ნივთიერებათა ცვლაში, ქსოვილოვან სუნთქვასა და სინთეზის პროცესებში, ახდენს სისხლში ლიპოპროტეინებისა და ტრიგლიცერიდების დონის ნორმალიზებას, აქვს ვაზოდილატაციური მოქმედება პრეარტერიოლებისა და არტერიოლების დონეზე, მათ შორის თავის ტვინშიც, რაც აუმჯობესებს მიკროცირკულაციას. ორგანიზმში,  ნიაცინის დეფიციტისას, ამინომჟავა ტრიფტოფანი გარდაიქმნება ნიაცინად, რის შედეგად, მცირდება სეროტონინის და მელატონინის სინთეზი, რაც, თავის მხრივ ზრდის დეპრესიისა და უძილობის განვითარების რისკს.

მელისა სპაზმოლიზური, ანტივირუსული და დამამშვიდებელი თვისებების მქონე მცენარეა, შეიცავს ეთერზეთებს, ძირითადად ლიმონენებს და გერანიოლს, რომლებიც ხელს უწყობენ ცნს-ის ფუნქციის გაუმჯობესებას, შფოთვის, ნერვული დაძაბულობის და სტრესის შემცირებას. მელისა განსაკუთრებით ეფექტურია უძილობის დროს.

ლავანდა ერთ-ერთი ყველაზე პოპულარული და სასარგებლო მცენარეა, რომელიც ფართოდ გამოიყენება მედიცინაში, არომათერაპიასა და კოსმეტოლოგიაში. იგი ცნობილია თავისი დამამშვიდებელი, ანტიანქსიოზური, ანტივირუსული და ანთების საწინააღმდეგო ეფექტებით, ლავანდა ამცირებს შფოთვას, მოუსვენრობას, გაღიზიანებას, აუმჯობესებს ძილს.

ჩვენება:

·        ძილის დარღვევა, ინსომნია

·        სტრესი, შფოთვა, გაღიზიანება

·        ვეგეტო-სისხლძარღვოვანი დაზიანებები, მათ შორის კლიმაქტერული პერიოდი

შემადგენლობა:

 ერთი ტაბლეტი შეიცავს: მაგნიუმი 500 მგ, ვიტამინი D - 5 მკგ, ვიტამინი B1 - 1,1 მგ, ვიტამინი B6 - 1,4 მგ, ნიაცინი - 16 მგ, მელისას ფოთლების ექსტრაქტი - 100 მგ, ლავანდას ზეთი - 5 მგ.

არ შეიცავს ლაქტოზას, არ შეიცავს გლუტენს.

დოზირება:

მიიღება 1 ტაბლეტი დღეში საღამოს, არ დაღეჭოთ. 

გამოშვების ფორმა:

№60 მინი-ტაბლეტი. 

შენახვის პირობები:

ინახება მშრალ, გრილ 25 °C ტემპერატურაზე, ბავშვებისთვის მიუწვდომელ ადგილას. 

ასევე, იხილეთ: დოპელჰერცი აქტივი - Doppelherz Aktiv მაგნეზია+B12 30 ტაბლეტი