კარვიტელი - Carvitel 30 ტაბლეტი

CARVITEL/კარვიტელი

საკვები დანამატი
თითოეული ტაბლეტი შეიცავს:

აქტიური ინგრედიენტები:

შემადგენლობა:

L - კარნიტინი ..........500 მგ

L - გლუტამინი  ........200 მგ

L - არგინინი      .........100 მგ

L - ლიზინი          .........  80 მგ

L-კარნიტინს გააჩნია მეტაბოლური, ანაბოლური, ანტიჰიპოქსიური, ანტითირეოიდული, ცხიმოვანი ცვლის მასტიმულირებელი, რეგენერაციული მოქმედება.L-კარნიტინი წარმოადგენს მეტაბოლური პროცესების კოფაქტორს, უზრუნველყოფს CoA  აქტივობის შენარჩუნებას. ახორციელებს გრძელ-ჯაჭვიანი ცხიმოვანი მჟავების ტრანსპორტს ციტოპლაზმიდან მიტოქონდრიაში, სადაც მიმდინარეობს ცხიმოვანი მჟავების b-დაჟანგვა, რის შედეგადაც წარმოიქმნება დიდი რაოდენობით მეტაბოლური ენერგია (ატფ-ის სახით).აწესრიგებს ცილოვან და ცხიმოვან ცვლას, აღადგენს სისხლის ტუტოვან რეზერვს, თრგუნავს კეტომჟავების წარმოქმნას და ანაერობულ გლიკოლიზს, ამცირებს ლაქტატაციდოზს.ზრდის  ფიზიკური დატვირთვისადმი ტოლერანტობას, ამცირებს გლიკოგენის მოხმარებას და ზრდის გლიკოგენის რეზერვს ღვიძლში და კუნთებში.ავლენს ანაბოლურ მოქმედებას, ანელებს ცილების და ნახშირწყლების დაშლას.ხასიათდება ნეიროტროპული მოქმედებით, ამუხრუჭებს აპოპტოზის განვითარებას, შემოფარგლავს დაზიანებულ ზონას, აღადგენს ნერვული ქსოვილის სტრუქტურას.L-კარნიტინი ამჟღავნებს მომატებული თიროიდული ჰორმონების მიმართ ანტაგონისტურ მოქმედებას. ამცირებს სხეულის ჭარბ წონას და ცხიმებისშემცველობას კუნთებში.ყველაზე მაღალი კონცენტრაციები აღირიცხება ჩონჩხის კუნთებსა და მიოკარდიუმში.

L გლუტამინი -  წარმოადგენს ამინო მჟავას, რომელიც აუცილებელია ცილების სინთეზისთვის. მნიშვნელოვანი როლი აკისრია ცენტრალური ნერვული სისტემის ნორმალური ფუნქციონირებისათვის.გარდაიქმნება გლუტამინის მჟავად, რომელიც ნეირომედიატორია და ასტიმულირებს სინაფსებში აგზნების გადაცემას, აუმჯობესებს გონებრივ შესაძლებლობებს. წარმოადგენს ინსულინის მეტაბოლიზმის უმნიშვნელოვანეს მონაწილეს უჯრედის დონეზე.

L-არგინინი არაესენციური ამინომჟავაა.L-არგინინი აზოტის ბუნებრივ გადამტანს წარმოადგენს. იგი ეხმარება ორგანიზმს ნიტროზოჯგუფის, აზოტის ოქსიდის (NO) წარმოქმნაში.შესაბამისად, ამ ამინომჟავას ახასიათებს ძლიერი ვაზოდილატაციური მოქმედება, რისი საშუალებითაც აფერხებს თრომბოციტების აგრეგაციას, აფართოვებს კორონარულ და პერიფერიულ სისხლძარღვებს, აქვეითებს არტერიულ წნევას, აუმჯობესებს სქესობრივ ფუნქციას. არგინინი მამაკაცებში უზრუნველყოფს ტესტოსტერონის კონცენტრაციისა (გვერდითი მოვლენების გარეშე). იგი აუმჯობესებს სპერმის ხარისხს: ზრდის სპერმატოზოიდების სიცოცხლის, მოძრაობის უნარიანობას და კონცენტრაციას. ქალის ორგანიზმში არგინინი ზრდის სისხლის ნაკადს საშვილოსნოში, საკვერცხეებსა და გენიტალიებში. ის ხელს უწყობს ცერვიკალური ლორწოს კონცენტრაციის მატებას და აუმჯობესებს ლიბიდოს.არგინინი ხელსაყრელ გარემოს ქმნის იმპლანტაციისთვის და ხელს უწყობს ფერტილობას 40 წელს გადაცილებულ წყვილში.ამცირებს ათეროსკლეროზის განვითარების რისკს;აუმჯობესებს იმუნურ ფუნქციას, ლეიკოციტების რაოდენობის ზრდის ხარჯზე;აძლიერებს ორგანიზმის გამძლეობის უნარსა და კუნთოვან მასას.

L - ლიზინი წარმოსადგენს შეუცვლელ ამინომჟავას. ლიზინი აუცულებელია ორგანიზმში პროტეინის გამოსამუშავებლად. იგი ინარჩუნებს კოლაგენისა და ელასტინის სტრუქტურას, რომლებიც აყალიბებენ შემაერთებელ ქსოვილებს, როგორებიცაა კანი, მყესები, ძვლები. ლიზინი აუცილებელია ორგანიზმში ყველა პროტეინის წარმოებისთვის. ასევე უზრუნველყოფს ჯანსაღ იმუნურ სისტემასა და კარდიოვასკულარ ფუნქციას 

ასევე, იხილეთ: Solgar - სოლგარი L-კარნიტინი 500მგ 60 ტაბლეტი

ჩვენებები:

-კარდიომიოპათია, მიოკარდიტი, გულის იშემიური დაავადება (სტენოკარდია, პოსტინფარქტული მდგომარეობა,ათეროსკლეროზი, არტერიული ჰიპერტენზია)

- შაქრის დიაბეტი ტიპი 2 ,ინსულინორეზიზსტენტულობა

-თავის ტვინის სისხლის მიმოქცევის დარღვევა; ნევრასთენია; ტრავმული ენცეფალოპათია; მიოპათია

-ასთენია,ანორექსია,ინტენსიური ფიზიკური დატვირთვა სპორტსმენებში

-ქრონიკული ჰიპოაციდური გასტრიტი, ქრონიკული პანკრეატიტი, ღვიძლის გაცხიმოვნება, ვირუსული და სხვა ქრონიკული დაზიანება; ქოლელითიაზი;

ღვიძლის ქრონიკული უკმარისობა; ციროზი

-პირველადი (გენეტიკური) და მეორადი კარნიტინის დეფიციტი, ჰემოდიალიზზე მყოფი თირკმლის ქრონიკული უკმარისობის მქონე ავადმყოფები.

-თირეოტოქსიკოზის მსუბუქი ფორმა, ჰიპერთირეოზი , მეტაბოლური სინდრომი

-უშვილობა, ლიბიდოს დაქვეითება.მამაკაცთა უშვილობა (ოლიგოსპერმია, აზოოსპერმია)

მიღების წესი და დოზირება :

1 ტაბლეტი 1- ჯერ დღეში.

უკუჩვენება :

ჰიპერმგრძნობელობა პრეპარატში შემავალი კომპონენტების მიმართ.

გვერდითი მოვლენები: როგორც წესი, კარგად გადაიტანება. თერაპიულ დოზებში მნიშვნელოვანი გვერდითი მოვლენები არ გამოვლენილა.

გამოყენება ორსულებში და მეძუძურებში: მონაცემები არ არის ცნობილი

შეუფთვა : თითოეული კოლოფი შეიცავს 30 ტაბლეტს ბლისტერში. 

შენახვის პირობები:

შენახვა 30 გრადუსზე დაბალ ტემპერატურაზე. დაიცავით ნესტისგან და სინათლისგან .ნებისმიერი მედიკამენტი ინახება ბავშვებისთვის ხელმიუწვდომელ ადგილას.