Zoxin-med - ზოქსინ-მედი შამპუნი 60მლ

ზოქსინი-მედი

20 მგ/მლ, კეტოკონაზოლი

სამკურნალო შამპუნი

ყურადღებით წაიკითხეთ ყველაფერი ამ ფურცელ–ჩანართში, სანამ დაიწყებთ ამ პრეპარატის  გამოყენებას, რადგან ის შეიცავს თქვენთვის მნიშვნელოვან ინფორმაციას.

ყოველთვის მიიღეთ ეს პრეპარატი ზუსტად ისე, როგორც აღწერილია ამ ფურცელ-ჩანართში ან როგორც გითხრათ თქვენმა ექიმმა ან ფარმაცევტმა.

შეინახეთ ეს ფურცელი-ჩანართი. შესაძლოა თქვენ დაგჭირდეთ მისი ხელახლა წაკითხვა.
თუ თქვენ გჭირდებათ მეტი ინფორმაცია ან რჩევა მიმართეთ ფარმაცევტს.
თუ რაიმე გვერდითი ეფექტი გამოგივლინდათ, გაესაუბრეთ თქვენს ექიმს ან ფარმაცევტს. ეს მოიცავს ნებისმიერ შესაძლო გვერდით ეფექტებს, რომლებიც არ არის ჩამოთვლილი ამ ფურცელ-ჩანართში. იხილეთ ნაწილი 4.
თქვენ უნდა გაესაუბროთ ექიმს, თუ თავს არ გრძნობთ უკეთესად, ან თუ  ცუდად გრძნობთ თავს.
 

რა არის მოცემული ამ ფურცელ-ჩანართში:

რა არის ზოქსინი-მედი და რისთვის გამოიყენება
რა უნდა იცოდეთ ზოქსინი-მედის გამოყენების წინ
როგორ გამოიყენება ზოქსინი-მედი
შესაძლო გვერდითი ეფექტები
როგორ ინახება ზოქსინი-მედი
შეფუთვის შემცველობა და სხვა ინფორმაცია
 

რა არის ზოქსინი-მედი და რისთვის გამოიყენება
 

ზოქსინი-მედი არის სამკურნალო შამპუნი, რომელიც შეიცავს აქტიურ ნივთიერებას კეტოკონაზოლს.

ეს არის სოკოს საწინააღმდეგო პრეპარატი, რომელიც განკუთვნილია კანზე ადგილობრივი გამოყენებისათვის.

თერაპიული ჩვენებები

ზოქსინი-მედი ნაჩვენებია Malassezia yeasts გამოწვეული კანის სოკოვანი ინფექციების პროფილაქტიკისა და ადგილობრივი მკურნალობისთვის:

თავის კანის ქერტლი (ეპიდერმისის აქერცვლა თეთრი, ადვილად მოცილებადი ქერცლის სახით);
სებორეული დერმატიტის დროს (მოყავისფრო წითელი ლაქები მკერდზე და სახეზე, რომლებიც იქერცლება თეთრი ან ყვითელი ქერცლის სახით);
Pityriasis versicolor–ის დროს (პატარა, მოვარდისფრო-ბეჟი ან თეთრი ლაქები).
 

რა უნდა იცოდეთ ზოქსინი-მედის გამოყენების წინ
 

არ გამოიყენოთ ზოქსინი-მედი

- თუ ალერგიული ხართ აქტიური ნივთიერების ან ამ პრეპარატის რომელიმე სხვა ინგრედიენტის მიმართ (ჩამოთვლილია მე-6 ნაწილში).

გაფრთხილებები და სიფრთხილის ზომები

ზოქსინი–მედის გამოყენებამდე გაესაუბრეთ თქვენს ექიმს ან ფარმაცევტს:

თუ ადრე დიდი ხნის განმავლობაში მკურნალობდით ადგილობრივად კორტიკოსტეროიდებით, ექიმი გირჩევთ კორტიკოსტეროიდული მკურნალობის ეტაპობრივად მოხსნას (2-დან 3 კვირამდე). თუ კორტიკოსტეროიდები ძალიან სწრაფად მოიხსნა, კანი შეიძლება რეაგირებდეს სიწითლით და ქავილით. მედიკამენტის გამოყენება შესაძლებელია მხოლოდ ადგილობრივი კორტიკოსტეროიდული მკურნალობის დასრულებიდან 2 კვირის შემდეგ.
                             

თუ თქვენ განიცდით ჰიპერმგრძნობელობის რეაქციას, რომელიც გამოიხატება კანის სიწითლით და ქავილით შამპუნთან შეხების ადგილზე, უნდა შეწყვიტოთ მედიკამენტის გამოყენება და მიმართოთ ექიმს.
მოერიდეთ თვალებთან კონტაქტს. თუ პრეპარატი მოხვდა თვალებში, დაიბანეთ ისინი დიდი რაოდენობის წყლით.
სებორეული დერმატიტი და ქერტლი ხშირად თან ახლავს თმის მომატებულ ცვენას. როდესაც იყენებთ ზოქსინი–მედს, თმის ცვენა შეიძლება გაძლიერდეს.
 

ბავშვები

ბავშვებში პრეპარატის უსაფრთხოება და ეფექტურობა განსაზღვრული არ არის.

ზოქსინი-მედი და სხვა მედიკამენტები

შეატყობინეთ თქვენს ექიმს ან ფარმაცევტს, თუ იყენებთ, ახლახანს იყენებდით ან შეიძლება გამოიყენოთ სხვა მედიკამენტები.

მონაცემები არ არის.

ორსულობა და ლაქტაცია

თუ ორსულად ხართ ან ძუძუთი კვებავთ, ფიქრობთ, რომ ორსულად ხართ ან ბავშვის გაჩენას აპირებთ, ამ წამლის მიღებამდე მიმართეთ ექიმს ან ფარმაცევტს რჩევისთვის.

ზოქსინი-მედი შეიძლება გამოყენებულ იქნას ორსულობისა და ლაქტაციის დროს, მხოლოდ თუ ექიმი მიიჩნევს, რომ ეს აბსოლუტურად აუცილებელია.

ავტომობილის მართვა და მანქანების გამოყენება

პრეპარატი გავლენას არ ახდენს ავტომობილის მართვისა და მანქანების გამოყენების უნარზე.

ზოქსინი-მედი შეიცავს კოშინელის წითელს (E 124)

კოშინელის წითელმა შეიძლება გამოიწვიოს ალერგიული რეაქციები.

როგორ გამოიყენება ზოქსინი-მედი
 

ყოველთვის გამოიყენეთ ეს პრეპარატი ზუსტად ისე, როგორც ეს აღწერილია პაციენტის საინფორმაციო ფურცელ–ჩანართში ან როგორც ექიმმა ან ფარმაცევტმა მოგახსენათ. თუ არ ხართ დარწმუნებული, მიმართეთ ექიმს ან ფარმაცევტს.

მიღების მეთოდი და დოზირება

პრეპარატი განკუთვნილია ადგილობრივი გამოყენებისათვის.

დაიტანეთ შამპუნის შესაბამისი რაოდენობა დატენიანებულ თმებსა და კანზე, შეიზილეთ ქაფის წარმოსაქმნელად. ჩამოიბანეთ 5 წუთის შემდეგ.

შეიძლება თმის წინასწარ დაბანვა ჩვეულებრივი შამპუნით.

თავის კანის  ქერტლისა და სებორეული დერმატიტის დროს:

მკურნალობა - კვირაში 2-ჯერ 2–4 კვირის განმავლობაში;
პროფილაქტიკურად - 2 კვირაში ერთხელ.
 

Pityriasis versicolor –ის შემთხვევაში:

მკურნალობა - დღეში ერთხელ 5 დღის განმავლობაში;
პროფილაქტიკურად - ზაფხულის პერიოდამდე, დღეში ერთხელ შემდეგი 3 დღის განმავლობაში.
 

ბავშვები

ბავშვებში პრეპარატის უსაფრთხოება და ეფექტურობა დადგენილი არ არის.

თუ გრძნობთ, რომ მედიკამენტის მოქმედება ძალიან ძლიერი ან ძალიან სუსტია, უნდა მიმართოთ ექიმს.

თუ თქვენ გამოიყენეთ უფრო მეტი ზოქსინი-მედი, ვიდრე საჭიროა

მონაცემები ჭარბი დოზირების შესახებ არ არსებობს. მედიკამენტის შემთხვევით გადაყლაპვის შემთხვევაში, დაუყოვნებლივ მიმართეთ ექიმს, რომ დაგინიშნოთ  შესაბამისი მკურნალობა.

თუ თქვენ დაგავიწყდათ ზოქსინი-მედის მიღება

გამოტოვებული დოზის ასანაზღაურებლად არ მიიღოთ ორმაგი დოზა.

თუ თქვენ გაქვთ დამატებითი კითხვები ამ მედიკამენტის გამოყენებასთან დაკავშირებით, ჰკითხეთ ექიმს ან ფარმაცევტს.

შესაძლო გვერდითი ეფექტები
 

ყველა მედიკამენტის მსგავსად, ამ მედიკამენტმაც შეიძლება გამოიწვიოს გვერდითი მოვლენები, თუმცა  არა ყველაში.

იშვიათი (1-დან 10-ში 10, 000 ადამიანიდან):

- ადგილობრივად  ქავილი, წვა, კონტაქტური დერმატიტი, გაღიზიანება;

- ცხიმიანი ან მშრალი თმა.

ძალიან იშვიათი (10, 000 ადამიანიდან 1-ზე ნაკლებში):

თმის ფერის შეცვლა, ძირითადად თმის დაზიანება და გაჭაღარავება.
 

შეტყობინება გვერდითი ეფექტების შესახებ

გვერდითი  ეფექტების განვითარების შემთხვევაში გაესაუბრეთ თქვენს ექიმს ან ფარმაცევტს. ეს მოიცავს ნებისმიერ შესაძლო გვერდით ეფექტს, რომელიც არ არის მოცემული ამ ფურცელ-ჩანართში.  გვერდითი მოვლენების შესახებ შეგიძლიათ პირდაპირ აცნობოთ:

სამკურნალო საშუალებების, სამედიცინო მოწყობილობებისა და ბიოციდური პროდუქტების რეგისტრაციის ოფისის მედიკამენტების არასასურველი ეფექტის მონიტორინგის განყოფილებას

Al. Jerozolimskie  181C

02-222 ვარშავა

ტელ .: + 48 22 49 21 301

ფაქსი: + 48 22 49 21 309

ვებ-გვერდი: https://smz.ezdrowie.gov.pl

გვერდითი მოვლენების შესახებ ასევე შეიძლება აცნობოთ  ავტორიზაციის მფლობელს.

გვერდითი მოვლენების შესახებ შეტყობინებით თქვენ ეხმარებით დამატებითი ინფორმაციის მიღებაში ამ მედიკამენტის უსაფრთხოების შესახებ.

როგორ ინახება ზოქსინი-მედი
 

შეინახეთ ეს წამალი ბავშვებისათვის უხილავ და მიუწვდომელ ადგილას.

ინახება 25˚C- ზე დაბალ ტემპერატურაზე. შეინახეთ ორიგინალურ შეფუთვაში.

ნუ გამოიყენებთ ზოქსინი-მედს, თუ  სითხემ შეიცვალა ფერი წითლიდან ყავისფერში.

არ გამოიყენოთ ეს პრეპარატი ეტიკეტზე, ტუბზე და კოლოფზე მითითებული  ვარგისობის ვადის გასვლის შემდეგ.

ვარგისიანობის ვადა ნიშნავს  თვის ბოლო დღეს.

შეფუთვის მარკირება:

Lot: სერიის ნომერი

EXP: ვარგისობის ვადა.

ნუ გადააგდებთ წამლებს გამდინარე წყლებში ან საყოფაცხოვრებო ნარჩენებთან ერთად. ჰკითხეთ ფარმაცევტს, როგორ გადააგდოთ ის წამლები, რომლებსაც აღარ იყენებთ. ეს ზომები ხელს შეუწყობს გარემოს დაცვას.

შეფუთვის შინაარსი და სხვა ინფორმაცია
 

რას შეიცავს ზოქსინი-მედი

აქტიური ნივთიერებაა კეტოკონაზოლი.
1 მლ სამკურნალო შამპუნი შეიცავს 20 მგ კეტოკონაზოლს.

სხვა ინგრედიენტებია: ნატრიუმის ლაურილ ეთერის სულფატი, ქოქოსის ბეტაინი, ქოქოსის ზეთის მჟავა დიეთანოლამიდი, ქოქოსის ზეთის გლიკოზიდები და გლიცეროლის ოლეატი, all-rac-α-ტოკოფეროლი, პოლისორბატი 20, იმიდაზოლიდინილ შარდოვანა, კოშინელის წითელი   (E 124), არომატული შემადგენლობა 60910, ნატრიუმის ქლორიდი, მარილმჟავა, გაწმენდილი წყალი.

ზოქსინი-მედის გარეგნული სახე და შეფუთვის შინაარსი

ზოქსინი-მედი არის სამკურნალო შამპუნი.

შეფუთვა შეიცავს

პოლიეთილენის ბოთლი, რომელიც დახურულია პოლიპროპილენის თავსახურით, რომელიც შეიცავს 60 მლ სამკურნალო შამპუნს მუყაოს კოლოფში, ან
პოლიეთილენის ტუბი, რომელიც დახურულია პოლიპროპილენის თავსახურით, რომელიც შეიცავს 60 ან 100 მლ სამკურნალო შამპუნს  მუყაოს კოლოფში, ან
პაკეტები, რომელთაგან თითოეული შეიცავს 6 მლ-ს, მუყაოს კოლოფში. შეფუთვაში  6 პაკეტი.
 

რეგისტრაციის მოწმობის  მფლობელი და მწარმოებელი

Aflofarm Farmacja Polska Sp. z o.o.

Partyzancka 133/151
95-200 Pabianice

ტელ: (42) 22-53-100